Հայ-վրացական հանրակրթական տասնամյակը նշելու առթիվ Գեորգի Մոմցելիձեի դպրոցի սովորողներն եկել էին Մխիթար Սեբաստացի կրթահամալիր։ Մենք առավոտյան գնացինք Հյուսիսային դպրոց, որպեսզի առավոտյան ընդհանուր պարապմունքն անցկացնենք։ Այնտեղ մեր վրաց ընկերների հետ երգեցինք և պարեցինք… Պարապմունքն ավարտելուց հետո գնացինք դպրոցով շրջելու` ծանոթացնելու մեր վրաց ընկերներին դպրոցի հետ։ Իսկ հետո գնացինք կավից տարբեր բաներ պատրաստելու, նաև պատրաստեցինք զատիկի համար զարդեր` թելերից։ Մենք մի փոքր զրուցեցինք նրանց հետ։ Նրանք պատմեցին, թե ինչպես է անցնում նրանց առօրյան, ի դեպ, նրանք հայերեն խոսել գիտեին։ Մի քիչ հեծանիվ վարեցինք, այնուհետև գնացինք պարելու, մենք նրանց սովորեցրինք մի քանի պար։ Հետո գնացինք ծառատունկի, տնկեցինք շատ ծառեր։ Օրն անցավ շատ հետաքրքիր ու արդյունավետ…
Հայ-վրացական կամուրջներ
ՆԱՐԵ ԽԱՉԱՏՐՅԱՆ 